Яго сустрэлі захопленыя крыкі натоўпу. Пасьля гэтага ён адслужыў імшу ля грабніцы базылікі Сьвятога Пятра.
Затым Ляву XIV уручылі сымбалі папскай улады — «пярсьцёнак рыбака» і стужку з воўны з вышытымі на ёй крыжамі, якая называецца палій.
У сваёй гаміліі папа рымскі сказаў, што ў каталіцкай царкве няма месца «рэлігійнай прапагандзе» і заклікаў да адзінства.
У цырымоніі прынялі ўдзел прадстаўнікі больш як 150 краін. У прыватнасьці, прысутнічалі віцэ-прэзыдэнт ЗША Джэй Ды Вэнс, дзяржсакратар ЗША Марка Рубіё, прэзыдэнт Украіны Ўладзімір Зяленскі, прэм’ер Італіі Джорджа Мэлёні, кіраўніца Эўракамісіі Уршуля фон дэр Ляен.
Ватыкан паведамляе, што пасьля інтранізацыі папа Рымскі правядзе асабістую сустрэчу з Уладзімірам Зяленскім, а заўтра раніцай сустрэнецца з Джэй Дзі Вэнсам.
Форум