Гэта вынікае з дакумэнта, апублікаванага на сайце Эўрапейскага зьвязу.
У абгрунтаваньні гаворыцца, што «Менскі завод колавых цягачоў — беларускае вайскова-прамысловае прадпрыемства, якое распрацоўвае ваенную тэхніку для Ўзброеных сіл РФ і падтрымлівае абараназдольнасьць Расеі».
«Толькі ў 2024 годзе агульны аб’ём экспарту прадпрыемства склаў 306 вагонаў вайсковай тэхнікі, у асноўным пастаўленых расейскім прадпрыемствам, якія ўваходзяць у ВПК Расеі. У 2025 годзе прадпрыемства прадоўжыла экспарт вайсковай тэхнікі ў Расейскую Фэдэрацыю», — адзначана ў дакумэнце.
Такім чынам, гаворыцца ў абгрунтаваньні, МЗКЦ «аказвае матэрыяльную падтрымку ваенна-прамысловаму комплексу Расеі і ўраду Расейскай Фэдэрацыі, які нясуць адказнасьць за анэксію Крыма і дэстабілізацыю сытуацыі ва Ўкраіне».
ААТ «МЗКЦ» спэцыялізуецца на вытворчасьці велікагрузных колавых транспартных сродкаў высокай праходнасьці. Прадпрыемства ўжо знаходзіцца пад санкцыямі ЭЗ са сьнежня 2020 года, прынятымі за парушэньні правоў чалавека ў Беларусі.
ГЛЯДЗІЦЕ ТАКСАМА: Эўразьвяз ухваліў 17-ы пакет санкцыяў супраць Расеі і Беларусі за вайну ва Ўкраіне ГЛЯДЗІЦЕ ТАКСАМА: У Расеі назвалі колькасьць падпісаных з прадпрыемствамі Беларусі кантрактаў з пачатку вайны супраць Украіны