Тацяну Ялавую судзілі завочна. Яе пакаралі на 10 сутак арышту. Міліцыянты забралі дзяўчыну са школы, калі яна здала апошні выпускны экзамэн. У спэцпрыёмніку-разьмеркавальніку ёй зрабілася кепска. Хуткая дапамога адвезла яе ў шпіталь. Пакуль дзяўчына праходзіла курс лячэньня, адвакат Тацяна Станкевіч падала скаргу ў гарадзкі суд на тое, што завочны прысуд вынесены незаконна.
Цяпер іншая судзьдзя, Натальля Вайцяховіч разглядае адміністрацыйную справу Тацяны Ялавой.